நான் சிகப்பு மனிதன் - "பட்டி டிங்கரிங்" ரொம்ப அவசியம் 

நான் சிகப்பு மனிதான் படம் பார்த்தேன். ரொம்ப நாளுக்கு அப்புறம் தியேட்டரில்  ஒரு U/A படம் பார்ப்பதால் கொஞ்சம் சந்தோசம் . 

புதுசா தூங்குற வியாதிய மையமாவெச்சு ஒரு படம் பண்ணி இருக்கோம்னு டீசர், ட்ரைலர் எல்லாம் சொன்னனாள போனேன்.

படம் முடுஞ்சதுக்கு அப்புறம் படம் எப்புடி இருக்குனு கேட்டா "புதுசா எடுக்க முயற்சி பண்ணி இருக்காங்க" அப்டின்னு மட்டும் தான் சொல்ல முடிஞ்சுது. 

நெறய இடங்களில் படம் "தகிடுதாக்காம்" போடுது. 

திருவோட மூணு படங்களிலும் சரி , முக்கிய கதாபாத்திரம் விஷாலோட குணாதிசயங்களை நல்ல டீடேல் பண்ணி இருப்பார். மூணு படத்துளையும் ஹிரோவுக்கு தனி குணாதிசயங்கள் உண்டு. 

பட் மூணு படத்துளையுமே ஒரு கதையை எப்படி சுவாரஸ்யமா சொல்லணும்கிற யுக்தி இவருக்கு தெரியவே இல்லனு தான் தோணுது. அத இவர் கத்துகிட்ட மாறியும் தெரியல.

என்னா.. நான் சிகப்பு மனிதன்ல சரியா இரண்டாம் பாதி தொடங்கியவுடன் திடீர் என்று "இனியா"வின் கதாபாத்திரம் அறிமுகம் செய்யப்பட்டு முதல் பாதிக்கு சம்பந்தமே இல்லாத இன்னொரு கதை ஒடுகிறது. (கிட்டத்தட்ட டீவி சீரியல் மாறி இருந்துச்சு)

இந்த இரண்டாம் பாதி ப்ளாஸ்பேக்கோடு நம்மாள் துளி கூட ஒன்ற முடியவில்லை.

அதுவரை நாம் வேறு ஒரு படத்தை பார்த்துக்கொண்டிருந்தோம். 

இதே போன்ற ஒரு தவறைத்தான் "சமர்" படத்திலும் செய்திருந்தார். படம் முடியும் தருவாயில் இரண்டு மொக்கை வில்லன்களை அறிமுகம் செய்து மொத்த படத்தையும் ஏற்றுக்கொள்ள முடியாதபடி  செய்திருந்தார்.

படத்தில் அடுத்து வரப்போகும் கதாபாத்திரங்களுக்கு முன் கூட்டியே ஒரு சின்ன ஸ்பார்க்கோ அல்லது க்ளுவோ கொடுத்து வைத்திருந்தால் தான் படம் பார்க்கும் பார்வையாளானால் அந்த கதாபாத்திரம் அறிமுகம் ஆகும் போது "இவனா அவன்" என்றாவது சுதாரித்து ஒன்ற முடியும்.

சின்ன உதாரணம் "சூதுக்கவ்வும்" 

இரண்டாம் பாதியில் அறிமுகம் ஆகும் இன்ஸ்பெக்டர் பிரம்மாவை பற்றி ஒரு சின்ன க்ளுவாக படத்தின் தொடக்கத்தில் "சிம்ஹா நயன்தாராவுக்கு கோவில் கட்டினார்" என்கிற செய்தியை படிக்கும் போதே 'பிரம்மாவை பற்றிய செய்தியயும் படிப்பார்"

தாஸ் கதாபாத்திரத்தின் அண்ணாக வரும் "டாகடர் தாதா" பற்றிய ஒரு கிசு சிசுவை காரில் சென்றுகொண்டிருக்கும் போது அப்படியே எதாற்ச்சியாய் குமுதத்தில்  படிப்பது போல் ஒரு ஷாட் உண்டு.

இந்த இரண்டு கதாபாத்திரங்களும் இரண்டாம் பாதியில் மட்டுமே வந்தாலும் அதனுடய அறிமுகம் முதல் பாதியிலேயே இருக்கிறது. ஏற்கனவே இவர்கள் நமக்கு கொஞ்சம் அறிமுகம் ஆகிவிட்டதால் நம்மால் அதை எதுக்கொள்ள முடிகிறது.

ஆனால் திருவின் படங்களில் இவை சரியாய் செய்யப்படுவது இல்லை. 

இதனால் தான் நம்மாள் இரண்டாம் பாதியில் வரும் இனியாவின் கதையை முதல் பதியோடு நம்மாள் சம்பந்த படுத்திக்கொளவே முடியவில்லை. அப்படியான வாய்ப்புகளும் கொடுக்கப்படவில்லை.

எக்ஷ்ட்ரீமாக வெவ்வேறு கதை சொல்லும் போது இந்த பிரச்னை வருகிறது.

உதாரணம் அன்பே சிவம். அதில் கமலும் மாதவனும் ஏர்போர்டில் சந்தித்து அந்த இருவரின் பயணம் மட்டுமே சொல்லப்பட்டு வந்து கொண்டே இருக்கும். நாம் கதையோடு ஒன்றி படம் பார்த்துக்கொண்டிருக்கும் போது திடீர் என்று ஒரு ப்லாஷ்பேக் வைத்து அதில் மூணு பாட்டு, ஒரு சண்டை கட்சி எல்லார்த்தையும் வைத்து திரும்ப மீண்டும் முதல் கதைக்கு வரும்போது நாம் முன் சொன்ன கதை மொத்தத்தையும் மறந்துவிட்டு மீண்டும் புதுசாய் படம் பார்ப்பது போல் இருக்கும்.

படம் தொடங்கியவுடன் எறுச்சலை உண்டுபண்ணியது "இசை".

அந்த ரயில் காட்சிக்கு எதுக்கு ஏதோ பயங்கர பேய் , ரணம், கொடூரமா ஒரு இசை... காது கிளுஞ்சு மூக்கு ஒட்டிக்கிச்சு.

இன்னமுமா ரசிகர்கள் வெளிநாட்டு லொகேஷங்களை பார்க்க படத்துக்கு வராங்கன்னு நெனச்சுட்டு இருக்கீங்க? படத்துக்கு எந்த பாட்டுமே தேவை இல்லை.

அப்புறம் புதுசா சொல்லுறோம் , புதுசா சொல்லுறோம்னு நெறய பழய கிலிஷேக்கள். எப்பவும் போல கிளைமாக்ஸ்ல ஒரு சண்டை அதுல வில்லன்கள் அவுட்டு எல்லாம் மீடில...

இன்னும் கொஞ்சம் முயற்சி பண்ணி , திரைக்கதையை "பட்டி டிங்கரிங்" பார்த்து படம் எடுத்தால் அடுத்து ஒரு நல்ல படம் எதுக்கும் வாய்ப்பு 'திருவுக்கு'  உண்டு.

பார்ப்போம்...

-ரசனை கெட்டவன் 

நன்றி: கருந்தேள், வேர்ப்புழுக்கள்

இது கமலஹாசன் மீதான விமர்சனம்

உன்னைப்போல் ஒருவன் படம் பார்த்தேன். படத்தில் வசனங்கள் என்னை மிகவும் ஈர்த்தது. படம் வெளியானதில் இருந்து இதையெல்லாம் கமலஹாசன் தான் எழுதியிருப்பார் என்று நினைத்து வந்தேன். 

நேற்று பார்க்கும் போது படம் முடிந்து க்ரெடிட்ஸ் ஓடும் போது நடிகர்கள் பெயரெல்லாம் கடந்த பின்பு "வசனம்: ரா. முருகன்" என்று வந்தது. 

படத்தின் துவக்கத்தில் அவர் பெயர் வரவில்லை. கமலஹாசன் , மோகன் லால் , லக்ஷ்மி (இவரை விட முக்கிய கதாபாத்திரங்கள் நிரய படத்தின் உண்டு) ஆகிய மூன்று நடிகர்களின் பெயரும் ,கலை இயக்கம், ஒளிப்பதிவு, இசை, படத்தொகுப்பு மற்றும் இயக்கம் ஆகியவர்களின் பெயர் மட்டுமே இடம் பெற்றிருந்தது.

படத்துக்கு வசனங்கள் அவ்வளவு முக்கியம் இல்லையோ..?

முக்கியம் தான். ஆனால் கமலஹாசன் படத்தில் அவரால் செய்யமுடிந்த வேலையை அவரை மீறி சிறப்பாய் ஒருவர் செய்தால் அது எவ்வள்வு பெரிய அபத்தம்.

கமலஹாசன் படங்களில் "கமல்" மட்டுமே துருத்திக்கொண்டு "அறிவுஜீவி" என்று வெளியே தெரிய வேண்டும்.

சிம்பிளான Title Card  வேண்டும் என்றால் எல்லாருடைய பெயரும் அல்லவோ கடைசியில் போட்டிருக்க வேண்டும். படத்தின் அதி முக்கிய பங்கான வசனம் எழுதியவரை மட்டும் இப்படி செய்வதை என்னவென்று சொல்வது.

கமல் மீது விமர்சனமே வைக்கக்கூடாது என்கிற மனோபாவத்தை அவரே உருவாக்குகிறார்.

தன்னுடைய படங்களில் அவர் மாபெரும் ஜீனியஸ் என்பதை வெளிக்கட்டியே ஆக வேண்டும் என்று செயல்படுகிறார்.

ராஜபார்வைக்கு பின் "அவர் முன்வந்து" எடுத்த படங்களில் முக்கால்வாசி, வெளிநாட்டு படங்களில் இருந்து சுடப்பட்டது என்பதற்க்கு ஆதாரங்களும் உண்டு. ( அப்பேடி எல்லாம் இல்லை 'கமல் உண்மையின் அவதாரம்' என்று கூறுபவர்கள் "கருந்தேள்" படிக்கவும்")

கமல் தமிழ் சினிமாவை உலக தரத்துக்கு எடுத்து செல்கிறார் என்பதெல்லாம் அவராய் உருவாக்கி வைத்திருக்கும் போலி பிம்பம். 

அவர் திரும்ப திரும்ப எடுப்பதெல்லாம் மசாலாக்களே.

அதை வைத்து அவர் பணம் பண்ணவே பார்க்கிறார்.

ரசிகர்களை ஒரு கூண்டுக்குள்ளேயே வைத்து  அதை மீறி சிந்திக்கவிடாமல் செய்து ஆதாயம் தேட பார்க்கிறார். 

ஆஸ்கார் , உலகத் தரம் என்றெல்லாம் வாய்ஜாலம் காட்டி நம்மை அவரின் வலைக்குல்லயே இருக்க வைக்கிறார். 

உன்னைப்போல் ஒருவனை ரீமேக் என்கிற பெயரில் குதறிவைத்திருப்பது ஒரிஜினலை பார்த்தவர்களுக்கு புரியும். 

உலகத்தரம் உலகத்தரம் என்று பேசுகிறாரே... தசாவாதாரத்தை உலகத்தரம் என்று கூறுவதை எப்படி ஒத்துக்கொள்ள முடியும். நீங்களே படம் பாருங்கள்.. கதையோடு ஒரு இடத்திலாவது உங்காளால் ஒன்ற முடிகிறதா என்று பாருங்கள்.... எதிலும் கமல் துருத்திக்கொண்டு முன்னால் வந்து "நான் அறிவாளி" நான் திறமைசாலி " என்று கூறுவதாகவே இருந்தது. 

அவர் பத்து வேடங்களில் நடித்திருக்கிறார். நல்ல முயற்சியே.. அதில் ஏதாவது ஒன்றோடு கூட நம்மாள் ஒன்றிப்போக முடியவில்லை.

இதே கமல் தான் இந்தியன் படத்தில் ஒரு வயதான பாத்திரத்தில் நடித்திருப்பார். ஆனால் கொஞ்ச நேரத்திற்க்கு பிறகு அந்த பாத்திரத்தோடு ஒன்றி, அது கமல் என்று யோசிக்காதவாறு படம் இருக்கும்.

ஆனால் தசாவாதாரத்தில் அப்படி இல்லை. 

அதே போல் உன்னை போல் ஒருவனும். இந்த கதையில் கமல் நடித்தததிலேயே படத்தின் முக்கிய சஸ்பென்ஸ் காலி. அப்புறம் என்னா.. படம் முழுக்க கமலையே பாக்க வேண்டியது தான்.

(இந்தியில் படம் முடியும் வரை ஷா வின் குணத்தை கணிக்கவே முடியாது)

உன்னைப்போல் ஒருவன் வெளியான சமயத்தில் ஒரு பிரபல தொலைக்காட்சியில்  கமலின் "லைவ்" இன்டர்‌வ்யூ இருந்தது. அதில் தொடர்ச்சியாய் அவரது நண்பர்களும் , பிரபலங்களுமே அழைத்து புகழ்ந்து, பாராட்டி தள்ளினார்கள், எப்படியோ ஒரு பெண் அதில் லைனை பிடித்து கமலிடம் ஒரே ஒரு கேள்வி தான் கேட்டார் "மிஸ்டர் கமல் Why you acted in the role of 

 Naseeruddin Shah that its too predictable " உடனே இவருக்கு வந்ததே கோபம்... வேக வேகமாய் எதையோ சொல்லி மழுப்பி முடித்துவிட்டார். 

இந்த சம்பததுக்கு இரண்டு மணி நேரம் முன்னால் அவருடைய நண்பர்களுக்கு எல்லாம் அழைத்து "இந்த மாறி லைவ் ஷோ இருக்கு. நீங்கள் எல்லாம் அழையுங்கள் என்று முன்கூட்டியே சொல்லி இருக்கிறார். 

அவர் அழைக்கும் போது காமிலின் நண்பரோடு (ஒரு பிரபல எழுத்தாளர்) எனது வாத்தியார் பேசிக்கொண்டிருந்தார் . அப்போது அழைப்பு வரவே அவர் "கமல் அழைக்கிறார் என்று பேசிவிட்டு" "இவ்வாறு அழைக்க சொன்னார்" என்றும் என் வாத்தியாரிடம் கூறியுள்ளார். அதன் பின், முன்னால் சொன்னது போலவே எழுத்தாளரும் அந்த  நிகழ்ச்சியில் கமலை புகழ்ந்துவிட்டு வைத்துவிட. எல்லாம் திட்டமிட்டது போல் நடந்துகொண்டிருக்கும் போது திடீர் என்று அந்த பெண் லைனில் வந்து கேள்வி கேட்டதும் தலீவர் சூடாகி விட்டார்"

"என்னவாக இருந்தாலும் நிரய புது விசயங்களை தமிழ் சினிமாவுக்கு அறிமுகம் செய்தது அவர்தான். அவர் இல்லையென்றால் தமிழ் சினிமாவே இல்லை. நம்மால் செய்ய  முடியாதை அவர் செய்கிறார். 

சினிமாவியே மூச்சாக, உயிராக கருதும் ஒருவரை பற்றி இவ்வாறு பேசாதே." என்று கோபமாக கூறுபவர்களுக்கு 

சினிமாதான் மூச்சென்று கருதும் நபர் அந்த சினிமாவிற்க்கு எவ்வளவு நேர்மையாய் இருந்திருக்க வேண்டும்.

கலையின் அடிப்படை நேர்மையே உண்மையாய் இருத்தல் தானே. "ஆமாம் இதில் இருந்து தழுவியது தான் இது" என்று சொல்ல அவரால் முடியவில்லை. "முயலவில்லை"

 எங்கிருந்து எல்லாம் சுட்டு அதில் 'பட்டி டிங்கரிங்' பார்த்து தம் பெயரை போட்டு புகழ் வாங்க வேண்டும் என்றே அவர் பார்க்கிறார்.

மிக முக்கிய குறிப்பு: என்ன தான் மிஷ்கினின் "ஓநாயும் ஆட்டுக்குட்டியும்" அற்புதம். மிச்ஸ்கின் எனது குரு என்று நான் சொல்லிக்கொண்டு திரிந்தாலும். அவர் எடுத்த "நந்தலாலாவில்" அவர் "கிக்குஜிரோவில்" இருந்து சுட்ட வேலைகள் உண்டு. அதற்க்கு அவர் முறையான credits ஆவது கொடுத்திருக்க வேண்டும். ஆனால் திருட்டு அப்பட்டமாய் தெரிந்த பின்பும் அவர் அதை மூடி மறைப்பதிலேயே இருந்தது தவறு.

அதே போல் அவர் எடுத்த "முகமூடி" குப்பை என்பதையும் நான் ஒப்புக்கொள்வேன்.

கமல் செய்த திருட்டுக்ளுக்கு ஆதாரங்கள் உண்டு. அதை பாருங்கள். அதே போல் அவர் உருவாக்கி வைத்திருக்கும் பிம்பத்தில் இருந்து வெளிவர பாருங்கள்.

உடனே திருப்பி என்னை திட்டாமல். கொஞ்சம் உங்கள் "பகுத்தறியும்" மூளையை பயன்படுத்தி ஆராய்ந்து பாருங்கள்.

உண்மைகள் கசக்கும். ஆனால் பொய்களை நம்பினால் என்றும் கிணற்றுக்குள் இருக்கும் தவளை போல் , கிணற்றையே கடல் என்று நம்பிக்கொண்டிருக்க வேண்டியது தான்.

பின் குறிப்பு: "அப்ப்டின்ன அவர் எதுவுமே நல்லதே செய்யலியா? . நீ அவர் செஞ்ச தப்ப மட்டுமே பாக்குற. அவர் செஞ்ச நல்லதை பாரு. போட மியிரு உன்னால குறை மட்டும் தான் சொல்ல முடியும் , மூஞ்ச அவர் மாறி படம் எடுத்து காட்டு" என்று கூறுபவர்களுக்கு, "இது அவர் மீதுள்ள விமர்சனம்" முடிந்தால் தர்க்கபூர்வமாய் விவாதிக்கவும். 

-ரசனை கெட்டவன்