ஒரு இயக்குனர் ஒரு படைப்பை தர எவ்வளவு சிரமங்களையும் கஷ்டங்களயும் கடந்து வெற்றி பெறுகிறார் என்பதற்க்கு "நவீன்" ஒரு உதாரணம். 

(படித்து பயன் பெறுங்கள், பிறர் பயன் பெற SHARE செய்யுங்கள்)

இயக்குனர் நவீன் தன் மூடர் கூடம் படத்தின் படப்பிடிப்பின் போது நடந்த சுவாரஸ்யமான விசயங்கள் பற்றியும் அவர் சந்தித்த பிரச்சனைகள் பற்றியும், அவற்றை எப்படி எதிர்கொண்டு மீண்டார் என்பது பற்றியும் நிரய பேசினார்.

அவர் பேசியதில் இருந்தே தன் படத்திற்க்காக அவரும் அவருடய குழுவும் எவ்வளவு தேடி உள்ளனர் , எவ்வளவு பயணம் செய்துள்ளனர் என்பது தெரிந்தது.

இவர்களிடம் பணம் கம்மியாக இருந்ததால் படப்பிடிப்பை சிக்கனமாக நடத்த வேண்டும் என்று முடிவு செய்துள்ளனர்.
மூடர் கூடம் படம் 90% கோயம்பத்தூரில் எடுக்கப்பட்டது.
அங்கே ஒரு சிறிய இரண்டு பெட்ரூம் வீட்டில் மொத்த படக்குழுவும் தங்கி உள்ளது. அது மட்டும் இல்லாமல் அனைத்து பட பிடிப்பு சாதனங்களும் அதனுள் அடக்கம்.
முடிந்தவரை படப்பிடிப்பு நடப்பதே தெரியாத அளவிற்க்கு படத்தை எடுத்து முடித்துள்ளனர்.
படத்தில் நிரய காட்சிகள் பங்களா வீடு சம்பந்தப்பட்டு வருவதால் நிரய வீட்டுக்காரர்களிடம் பேசி , நிரய வீடுகள் தேடி, 'படம் எடுக்க கொடுக்கமாட்டேன்' என்று கூறிய பலரது கால்களில் விழுந்து, காலில் விழுந்துவிடுவதாக கெஞ்சி/மிரட்டி கடைசியில் OK செய்துள்ளனர்.

சலீம் பாயின் Costumeக்காக 'கோட்' எடுக்க சென்று பணம் இல்லாத காரணத்தால் அது வித்தியாசமான, அற்புதமான காஸ்ட்யூம் செட் அப்பாக மாறிய கதையும் , நாய்க்குட்டி பாடல் சாதாரண வீட்டு வாசலில் இருந்து stylish பாக் ட்ரொப்புக்கு மாறிய கதையும் அதிர்ச்சி கலந்த ஆச்சர்யங்கள். (வாய்ப்புகிடைத்தால் இந்த கதைகளை பற்றி எழுதுகிறேன்)

அவர் பேசியதில் மிக முக்கியமானவை,
>>"ஒரு விசயத்தை செய்யவேண்டும் என்று முடிவு செய்தால், அதை உடனே செய்து விடு"

>>"ஒரு கதவு சாத்தப்படுகிறது என்றால் மற்றொன்று திறக்கப்படுகிறது என்று அர்த்தம்"

>>'அவ்வளவு தான்..! முடிந்தது என்று நினைக்காமல், அடுத்து என்ன நல்லதாக பண்ணலாம் என்று யோசிக்கத்தொடங்கு..."
இன்னொன்று அவர் கூறியது , "நாம் தேடுவதும், படைப்பதும் மலிவாக இருந்தாலும் அது சிறப்பாக இருக்கவேண்டும்" 


படத்தின் தொடக்கம் முதல் ஒவ்வொரு வேலை படக்குழுவில் அனைவருக்கும் உணவழிப்பது வரை அனைத்து பிரச்சனைகளையும் தாண்டி இன்று நவீன் வெற்றி கண்டுள்ளார் என்பது நாம் கற்றுக்கொள்ள வேண்டிய பாடம் .

இவ்வளவு கஷ்டப்பட்டு இருந்தாலும் இன்று அவை அனைத்தயும் நினைத்து நவீன் சிரிக்கிறார். வாழ்க்கையை பற்றி பேசுகிறார்.
நம் வாழ்க்கையும் அப்படிதான் ஒருகட்டத்தில் சாகும் நிலைக்கு தள்ளும், அதை கடந்து வந்து திரும்பி பார்த்தால் சிரிப்பாய் இருக்கும்.

இதுவும் கடந்து போகும்!
வெற்றி தாமதமாகலாம் , ஆனால் தவறாது.
வெற்றி நிச்சயம், பயணித்துகொண்டே இருப்போம்!

-சுஜித் நா சுப்பு
(REVIEW THEATER)

www.facebok.com/ReviewTheater

இது (27-08-2013)அன்று நடந்த "MEET THE FILM MAKERS" நிகழ்ச்சியில் அவர் பேசியது.
இந்த அற்புதமான நிகழ்ச்சியை ஒருங்கிணைத்து வழங்கிய இயக்குனர் கமலக்கண்ணன் மற்றும் "சினிமா கிளப் ஆப் கோயம்பத்தூர்" குழுவிர்க்கும் என் நன்றிகள்